AFFA koronavirus testi üçün klublara maliyyə yardımı göstərəcək

AFFA koronavirus testi üçün klublara maliyyə yardımı göstərəcək

Azərbaycan Premyer Liqa klublarında koronavirus testindən keçirilməsi prosesinə start verilib.

Apasport.az saytının məlumatına görə, bu gün AFFA-nın təşəbbüsü ilə Klublar Komitəsinin videokonfrans formatında keçirdiyi iclasında bu məsələyə toxunulub.

Premyer Liqa təmsilçilərinin məşqçi və oyunçu heyətinin koronavirus testindən keçirilməsi ilə bağlı AFFA-nın tövsiyəsinə cavab olaraq, bütün klublar bu prosesin davam etdiyini bildiriblər.

AFFA-nın icraçı vitse-prezident Elxan Məmmədov testlərin keçirilməsi üçün hər bir kluba qurum tərəfindən maliyyə yardımı göstəriləcəyini və müvafiq vəsaitin mayın 15-də klubların hesabına köçürüləcəyini bildirib.

Premyer Liqa klublarının rəsmiləri Nazirlər Kabineti yanında Operativ Qərargahın qərarlarına uyğun, müvafiq tibbi təlimatlara riayət olunmaqla çempionatın bərpası ilə bağlı AFFA və PFL-in təkliflərini dəstəklədiklərini qeyd ediblər.

REAL

Digər xəbərlər
Dünən

Bütün xəbərlər