BANM-in rektoru Fransanın Azərbaycandakı səfiri ilə görüşüb

BANM-in rektoru Fransanın Azərbaycandakı səfiri ilə görüşüb

Bakı Ali Neft Məktəbinin (BANM) rektoru Elmar Qasımov Fransanın Azərbaycandakı səfiri Zakari Qros ilə görüşüb.

Ali Məktəbdən "Report"a verilən məlumata görə, qonaqlar ilk olaraq BANM-in kampusu və burada yaradılan şəraitlə tanış olublar.

Görüş zamanı Bakı Ali Neft Məktəbi haqqında geniş məlumat verən E.Qasımov Azərbaycan və Fransa arasında enerji, siyasi-iqtisadi, sosial-mədəni, elm və təhsil sahələrində əməkdaşlıq əlaqələrinin gündən-günə inkişaf etdiyini bilidirib. O, həmçinin qeyd edib ki, 2013-cü ildə BANM Fransa Neft İnstitutu (IFP) ilə Anlaşma Memorandumu imzalayıb ki, bu da, Fransa və Azərbaycan arasında inkişaf edən münasibətlərin göstəricisidir. Rektor həmçinin, Ali Məktəbin “Total” şirkəti də daxil olmaqla bir sıra fransız şirkətləri ilə sıx əməkdaşlığından bəhs edib.

Səfir Zakari Qros səmimi qəbula və xoş qarşılanmağa görə rektor Elmar Qasımova öz təşəkkürünü bildirib. O, region üçün mühüm əhəmiyyət kəsb edən sahələr üzrə mütəxəssislər hazırlayan Ali Məktəbin öz ölkəsinin ali təhsil müəssisələri ilə əməkdaşlığından məmnunluğunu ifadə edib. O, hər iki ölkə arasında təhsil əlaqələrinin genişləndirilməsinin vacibliyinə toxunub. Z.Qros bildirib ki, yüksək keyfiyyətli təhsil və əcnəbi tələbələrin Fransa universitetlərində təhsil alması nəinki səfirliyin, həmçinin ölkəsinin də prioritet məsələlərindəndir. O, IFP ilə BANM arasında qurulmuş əməkdaşlığı da yüksək qiymətləndirib.

Görüşdə, həmçinin gələcək əməkdaşlıq, tələbələrin və professor-müəllim heyətinin mübadiləsi, fransız dilinin tədrisi və elmi-tədqiqatlar sahəsində əlaqələrin genişləndirilməsi ilə bağlı fikir mübadiləsi aparılıb.

Görüşdə BANM-in müvafiq şöbələrinin əməkdaşları, səfirliyin universitetlər arasında əməkdaşlıq və təqaüdlər üzrə attaşesi xanım Klemens Felipo iştirak edib.

REAL

Digər xəbərlər
Bu gün
Dünən

Bütün xəbərlər

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə