“HR Summit Baku 2019“- VİDEO, YENİLƏNİB

“HR Summit Baku 2019“- VİDEO, YENİLƏNİB
Mütəxəssislər insan resursları idarəçiliyi üzrə təcrübələrini paylaşır

Bu gün Bakıda sayca 5-ci “HR Summit Baku 2019” beynəlxalq tədbiri işə başlayıb.

REAL xəbər verir ki, "HR Baku" MMC və Azərbaycan İnsan Resursları Assosiasiyasının (AİRA) birgə təşkilatçılığı ilə keçirilən sammitdə dövlət və özəl müəssisələrdən nümayəndələr, o cümlədən 300-dən çox şirkətin 450-dən çox təmsilçisi iştirak edir.

Tədbirlə bağlı jurnalistlərə AİRA-nın İdarə Heyətinin sədri Tural Məmmədov açıqlama verib. O, bildirib ki, sammitin əsas məqsədi Azərbaycanda insan resurslarının idarə edilməsi sahəsində baş verən innovativ dəyişikliklərə töhfə verməkdir. Burada müxtəlif ölkədən 10 spiker iştirak edir. Onlar HR sahəsində beynəlxalq təcrübəni bizim üçün paylaşacaqlar".

Tədbir çərçivəsində HR sahəsinə əsaslanan çıxışlarla yanaşı komanda quruculuğu barədə, heyətin idarə edilməsini səlisləşdirən intellektual yarışların keçirilməsi nəzərdə tutulub. Spikerlər işçi sayının optimallaşdırılması, korporativ nüfuz, dəyişikliklərin idarə edilməsində və işçi məmnunluğunda HR-ın rolu, eləcə də digər aktual mövzular ətrafında geniş təqdimatlar edəcəklər.

Kanada, Böyük Britaniya, Pakistan, Portuqaliya, Macarıstan, Almaniya, Rusiya, Fransa və Türkiyədən olan spikerlər karyeralarının müxtəlif pillərlərindəki idarəetmə prosesləri və şərtlərdən bəhs edəcəklər. Sonda iştirakçıların sertifikatlarla təltif edilməsi gözlənilir.

Qeyd edək ki, “HR sammit” İnsan Resurslarının İdarəedilməsi sahəsi üzrə Azərbaycanda ən böyük beynəlxalq tədbirlərdəndir və hər il keçirilir. 

Digər xəbərlər
Bu gün

Bütün xəbərlər

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə