İranın xarici işlər naziri Fransa prezidenti ilə görüşüb

İranın xarici işlər naziri Fransa prezidenti ilə görüşüb

İranın xarici işlər naziri Məhəmməd Cavad Zərif Fransa prezidenti Emmanuel Makronla görüşüb.

REAL-ın APA-ya istinadən verdiyi xəbərə görə, görüş İran xarici işlər nazirinin Fransaya səfəri çərçivəsində baş tutub.

Görüşdən sonra jurnalistlərə açıqlamasında İran xarici işlər naziri bildirib ki, bu görüş son həftələrdə Fransa və İran prezdentləri arasında gedən müzakirənin davamıdır.

“Hərtərəfli Birgə Fəaliyyət Planının həyata keçirilməsi ilə bağlı Fransa təklif irəli sürdü və biz də eyni zamanda öz təkliflərimizi etdik”, - deyə iranlı nazir bildirib.

Fransa prezidenti ilə danışıqların “yaxşı və konstruktiv” keçdiyini söyləyən Cavad Zərif qeyd edib ki, bu istiqamətdə bundan sonrakı irəliləyiş  Avropa İttifaqının Hərtərəfli Birgə Fəaliyyət Planı çərçivəsində götürdüyü öhdəlikləri yerinə yetirməsindən asılıdır.

Cavad Zərif Tehranın Hərtərfli Birgə Fəaliyyət Planı ilə bağlı yüksək səviyyəli danışıqlara hazır olduğunu vurğulayıb.

İranın xarici işlər naziri Fransa prezidenti ilə Fars körfəzində və Hörmüz boğazındakı vəziyyəti də müzakirə etdiyini bildirib.

Məhəmməd Cavad Zərif Fransanın xarici işlər naziri Jan-İv Lö Drianla da görüşəcək.

Digər xəbərlər
Dünən

Bütün xəbərlər

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə