Millimizin 3-cü sınağı - VİDEO

Millimizin 3-cü sınağı - VİDEO
Seçməmiz Slovakiyaya 18 il əvvəli xatırlatmaq istəyir

Bu gün futbol üzrə Azərbaycan millisi AVRO-2020-nin seçmə mərhələsində növbəti oyununu keçirəcək.

Nikola Yurçeviçin rəhbərlik etdiyi kollektiv Slovakiya kollektivi ilə üz-üzə gələcək.

Bu, komandamızın E qrupunda üçüncü matçı olacaq. Seçməmizin heyətində yeganə itki zədəli Eddi İsrafilovdur.

Slovakiyalılardan isə Miroslav Stox səhhəti ilə əlaqədar Bakıya gətirilməyib.

Qonaqların baş məşqçisi Pavel Hapal daha öncə Dominik Qreyf, Samuel Mraz, Martin Xrien, Lukaş Ştetin və Laslo Benesin adını da 29 nəfərlik heyətdən çıxarıb.

Azərbaycan millisi tarix ərzində Slovakiya komandası ilə 6 dəfə üz-üzə gəlib.

Bunların 5-də rəqib qələbə qazanıb. Futbolçularımız 2001-ci ildə keçirilən dünya çempionatının seçmə mərhələsində slovakiyalıları Bakıda 2:0 hesabı ilə üstələyib.

Tərəflər arasında reallaşacaq 7-ci duel 8 km qəsəbə stadionunda baş tutacaq.

Saat 20-də başlayacaq görüş Con Bitonun rəhbərlik etdiyi şotlandiyalı hakimlər briqadasına həvalə olunub.

Xatırladaq ki, millimiz seçmə mərhələnin ilk oyununda Zaqrebdə Xorvatiyaya 1:2, ardınca isə Bakıda Macarıstana 1:3 hesabı ilə uduzub.

Digər xəbərlər
Bu gün

Bütün xəbərlər

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə