Palata: Bu ilin I rübündə Azərbaycan bankları 1,7 milyard manat kredit verib

Palata: Bu ilin I rübündə Azərbaycan bankları 1,7 milyard manat kredit verib

Maliyyə Bazarlarına Nəzarət Palatasının fəaliyyət göstərdiyi 3 ildən artıq müddətdə Azərbaycan banklarında 1,8 milyard manatdan çox kapital inyeksiyası həyata keçirilib.

REAL “Report”a istinadən xəbər verir ki, bunu Bakıda keçirilən Maliyyə və Texnologiyalar Sammitində (“Fintex Sammit”) çıxışı zamanı Palatanın İdarə Heyətinin sədri vəzifəsini icra edən İbrahim Alışov bildirib.

Onun sözlərinə görə, bunun 120 milyon manatı bu ilin I rübünün payına düşüb.

"Hələ Azərbaycanın bank tarixində mövcud hadisələrdən sonra kapitak adekvatlığı 20%-in üzərində olmamışdı. Sevindirici haldır ki, bu gün bank sektorunun kapital adekvatlığı 20,2%-dir. Bu, sektorun dayanıqlı olduğunu deməyə əsas yaradır. 

Təsadüfi deyil ki, “Moods” beynəlxalq reytinq agentliyi Azərbaycanı bank sisteminin kapital dayanıqlığı baxımıdnan regionda ən üstün ölkə kimi qiymətləndirib”, - deyə İ.Alışov əlavə edib.

Bundan başqa, onun sözlərinə görə, Azərbaycan bankları kreditləşməni sürətlə genişləndirib: “Təkcə bu ilin I rübündə banklar 1,7 milyard manat kredit verib. Bu, kifayət qədər böyük rəqəmdir. Banklarda əmanətlərin dollarlaşması da sürətlə azalmaqdadır”.

İ.Alışov həmçinin qeyd edib ki, I rübdə Azərbaycanda ümumi daxili məhsulun artımı ötən ilin eyni dörü ilə müqayisədə 3%, o cümlədən qeyri-neft sektorunun artımı 1,7% təşkil edib. Son 1 ildə ölkədə illik inflyasiyanın səviyyəsi isə 4%-dən 2%-ə düşüb. 

Digər xəbərlər
Dünən

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə