MTRŞ: Yeni kanalın paketlərdəki yeri və qoşulacağı stansiyalar müəyyənləşdirilib

MTRŞ: Yeni kanalın paketlərdəki yeri və qoşulacağı stansiyalar müəyyənləşdirilib

“Yaxın günlərdə yerüstü yayımla fəaliyyətə başlayacaq yeni xəbər kanalının paketlərdəki yeri dəqiqləşdirilib, regionlarda qoşulacağı stansiyalar müəyyən olunub”.

REAL xəbər verir ki, bunu ONA-ya Milli Televiziya və Radio Şurasının (MTRŞ) Texniki nəzarət şöbəsinin müdiri İsa Məmmədov deyib.

Şöbə müdiri qeyd edib ki, yeni xəbər kanalının yayımının yüksək keyfiyyətlə həyata keçirilməsi üçün onun Bakı şəhəri və Abşeron yarımadası ərazisində HD formatında verilməsi planlaşdırılır: "Eyni zamanda HD formatını dəstəkləməyən televizorlar tərəfindən bu kanalın qəbulunun mümkün olması üçün paralel olaraq Bakı şəhəri və Abşeron yarımadasında SD formatında yayımlanması nəzərdə tutulub".

Xatırladaq ki, MTRŞ ixtisaslaşmış (xəbər) ümumrespublika televiziya kanalının açılması üçün (Bakı şəhəri və Abşeron yarımadası ərazisində SD yayım üçün 48-ci, HD yayım üçün 37-ci tezlik resursuna) müsabiqə elan edib. “Real Təhlil İnformasiya Mərkəzi” MMC, “TV-Media Azerbaijan” MMC və “RTV” MMC müsabiqə üçün sənədlərini təqdim edib. Müsabiqənin nəticələrinə teleradio yayımı sahəsində qanunvericiliyin tələbinə əsasən Şura iclasında baxılacaq.

Digər xəbərlər
Bu gün

Bütün xəbərlər

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə