Azərbaycanda 3-cü səviyyəli mühafizəyə malik zirehli gödəkcələrin istehsalına başlanılıb

Azərbaycanda 3-cü səviyyəli mühafizəyə malik zirehli gödəkcələrin istehsalına başlanılıb

“Buta Armor” şirkəti Azərbaycan Milli Elmlər Akademiyasının Yüksək Texnologiya Parkı (YTP) nəzdində 3-cü səviyyəli mühafizəyə malik zirehli gödəkcələrin istehsalına başlayıb.

REAL xəbər verir, bu barədə ONA-ya YTP-dən bildirilib.

YTP-dən verilən məlumata görə, söhbət gövdənin ön, arxa, yan hissələrinin və boyunun etibarlı qorunmasını təmin edən zirehli gödəkcədən gedir. Bu məhsul Azərbaycan güc strukturları tərəfindən təsdiqlənib.

"Hazırda bir sıra güc strukturu ilə zirehli gödəkcələrin təchizatı ilə bağlı müqavilələr imzalanmasına dair hazırlıqlar aparılır. Bundan başqa, dəbilqələrin də tədarükü üçün sifarişlər gözlənilir", - deyə YTP-dən bildirilib.

Qeyd edək ki, istehsal sahəsinin yaradılmasına 8 mln. avro məbləğində sərmayə yatırılıb. İstehsal sahəsi "EPC Group" şirkəti tərəfindən tikilib, avadanlıq isə "MARS Armor" şirkəti tərəfindən təchiz edilib.

Digər xəbərlər
Bu gün

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə