ETSN nümayəndələri Cocuq Mərcanlıya səfər edib

ETSN nümayəndələri Cocuq Mərcanlıya səfər edib

Ekologiya və Təbii Sərvətlər Nazirliyinin (ETSN) rəhbərliyi və əməkdaşlarından ibarət nümayəndə heyəti “Ekoloji bilik günü” çərçivəsində Cəbrayıl rayonunun işğaldan azad olunmuş Cocuq Mərcanlı kəndinə səfər edib.

ETSN-nin mətbuat xidmətindən REAL-a verilən məlumata görə, nazirliyin nümayəndə heyəti əvvəlcə “Aprel şəhidlərinə xatirə” abidəsini  ziyarət edərək, önünə gül dəstələri qoyub və respublikamızın ərazi bütövlüyü uğrunda həlak olan şəhidlərin xatirəsini dərin ehtiramla yad ediblər.

Sonra Novruz Aslanov adına kənd tam orta məktəbinin kollektivi ilə görüşən Nazirlik nümayəndələri gətirdikləri ekoloji təbliğat vasitələrini, eyni zamanda kağız, məişət və plastik tullantıların çeşidlənməsi məqsədilə hazırlanmış qutu və konteynerləri məktəbə hədiyyə ediblər.

Daha sonra Nazirliyin nümayəndələri Umayra Tağıyeva və  Hikmət Əlizadə şagirdlərə ölkəmizin ekoloji vəziyyəti, iqlimi, günəş, hava, su, hava proqnozlarının hazırlanması, Azərbaycanın flora və faunası, milli parklar və qoruqlarla bağlı dərs keçib, məlumatlandırıcı səmimi söhbət aparıb və məktəblilərdə təbiətə qayğıkeş münasibətin formalaşması məqsədilə  tövsiyələr veriblər.

Nümayəndə heyətinin səfəri Cocuq Mərcanlı kəndindəki sosial obyektlərlə tanışlıqla davam edib.

Daha sonra xüsusi ayrılmış ərazidə ağacəkmə aksiyası keçirilib və Nazirliyin tinglik sahələrində yetişdirilmiş meyvə ağacları əkilib.

Qeyd olunub ki, “Ekoloji bilik günü” çərçivəsində Nazirliyin nümayəndələrinin növbəti görüşü Ağcabədi rayonunda davam edəcək.

Digər xəbərlər
Dünən

Bütün xəbərlər

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə