Nazirlik: Daha 1200 şəhidin vərəsələrinə birdəfəlik ödəmə verilib

Nazirlik: Daha 1200 şəhidin vərəsələrinə birdəfəlik ödəmə verilib

1200 şəhid üzrə 1928 vərəsəyə də bayrama qədər birdəfəlik ödəmə verilib. Beləliklə, indiyədək artıq 5491 şəhid üzrə 7894 vərəsə birdəfəlik ödəmə ilə təmin olunub.

Əmək və Əhalinin Sosial Müdafiə Nazirliyindən ONA-ya bildirilib ki, Azərbaycan Respublikasının Prezidenti cənab İlham Əliyev müvafiq Fərmanının icrası olaraq, şəhid vərəsələrinin birdəfəlik ödəmə (11 min manat) ilə təmin olunması işləri davam etdirilir.

Bu istiqamətdə mühüm addım kimi, Əmək və Əhalinin Sosial Müdafiəsi Nazirliyindəki Komissiya tərəfindən 11 mart 2019-cu il tarixli iclasda vərəsələrdən böyük bir qrupuna -  1200 şəhid üzrə 1928 vərəsəyə birdəfəlik ödəmənin verilməsinə dair qərar qəbul edilmişdi. Artıq həmin vərəsələrin bank hesablarına birdəfəlik ödənişlərin köçürülməsi başa çatdırılıb.

Vərəsələrinə birdəfəlik ödəmə verilməsi nəzərdə tutulan şəhidlərin sayı 12268 nəfərdir. Ötən il noyabrın əvvəlllərindən həmin şəhidlərin vərəsələrinə birdəfəlik ödəmələrin verilməsinə başlanılıb. Bu günədək artıq 5491 şəhidin 7894 vərəsəsi birdəfəlik ödəmə ilə təmin olunub.

Digər xəbərlər
Bu gün
Dünən

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə